Wat geschitt elo am Golfe du Morbihan?
Am Golf wäert dir op 2 verschiddene Plazen u Land goen. Et ass wichteg, dass déi Zäiten, déi mir iech dofir ginn, esou genau wéi méiglech agehale sinn. Et ass also keng Course, mee dir sollt är Zäit a Vitesse esou geréieren, dass dir dee richtege Moment ukommt, net ze fréi an net ze spéit. Nëmmen esou kënnen d’Aktivitéiten u Land ouni laang Waardezäiten oflafen.
Apropos Vitesse : et ass wichteg, dass dir d’Geschwindegkeet iwwer Grond (Speed Over Ground) kuckt, well och wann d’Koeffizienten niddreg sinn, hutt dir awer Stréimungen am Golf, meeschtens vun 1-2 kn, op verschiddene Plazen awer och nach méi. Héichwaasser ass, jee no Plaz tëscht 15h00 (an der Entrée bei Port Navalo) an 17h00 (ganz hannen am Golfe). Fir den Ufank hutt dir also eng Stréimung déi matleeft, dono hänkt d’Stréimung da logescherweis vun der Plaz, der Auerzäit an der Richtung of, an déi dier fuert. Passt also onbedéngt doropper op.
Genau sou sollt der permanent är Déift am A behalen. Wéi dir op der Kaart respektiv um Plotter gesitt sinn am Golfe du Morbihan op ville Plazen Ondéiften. Well elo am Nomëtteg Héichwaasser ass, kënnt dir dervun ausgoen, dass der minimum 1,20 m Reschtwaasser hutt, dass also är reell Waasserdéift 1,20 m iwwer Kaartendéift ass. Trotzdem : oppassen, an all Grondberéierung vermeiden !
Et sief och drun erënnert, dass dir aus Sécherheetsgrënn am Golf just ënner Motor dierft fueren. Also loosst d’Seegelen dobannen.
Bonne route !