Hautdesdaags kommunizéiere mir elektronesch, wireless, digital … mee dat war net ëmmer esou. D’Schëfffaart ass vill méi al wéi déi interaktiv Kommunikatiounsmëttelen déi mer haut hunn, an trotzdeem huet een sech matenee verstännegt, an zum Beispill visuell oder auditiv Messagë vu Schëff zu Schëff iwwermëttelt.
Trotz de modernen Apparate vun haut, sinn déi al Kommunikatiounstechniken net ganz verschwonnen. Si liewe weider an den Traditioune vun der Séifaart, a gi beispillsweis an Noutsituatiounen, wann all Elektronik ausgefall ass, weider benotzt, oder och nach bei de Startprozedure vun der Regatta.
Dofir ass et eng gutt Saach, wann dir als zukünfteg Weltëmseegeler déi Kommunikatiounsmëttele kennt a benotze kënnt.
Hei goufen op 2 Staangen e puer Fändelen opgehaang , fir iech eppes ze soen …
… an dat sollt dir elo an en auditive Message iwwersetzen, nämlech a Morse.
Fir eis d’Äntwert ze iwwermëttelen, dierft dir dann awer en elektronesche Kanal benotzen : Huelt en Audio-Message mat Morse-Zeechen op, déi dat selwecht heeschen wéi déi Fändelen hei, a schéckt mir dee mat WhatsApp. Wéi dir de Morse-Code akustesch ëmsetzt ass iech iwwerlooss, all Mëttele fir kuerz a laang Téin ze produzéieren sinn zougelooss … awer natierlech keng Sprooch, dat wier jo ze vill einfach !
Wa mir ären Morse-Message verstinn, gëtt et als Belounung e weidere Knuet.
Bonne Chance !